Premios 20Blogs

martes, 14 de julio de 2015

Cruces de acusacións PSOE - PP

Despois do primeiro pleno celebrado en Trabada, hai un cruce de acusacións entre o partido gobernante e o da oposición, supoño que o vistes nos medios pero sirva isto como resume:

Según Crónica, o novo goberno de Trabada reduce á metade o soldo da alcaldesa e ademáis fíxanse os plenos para o terceiro xoves de cada dous meses ás 8 da tarde: http://www.cronica3.com/2015/07/o-novo-goberno-municipal-de-trabada-reduce-a-metade-o-salario-da-alcaldesa/

Según Crónica tamén, a nova alcaldesa de Trabada, minte con respecto ao seu soldo, aumenta as dietas e ademáis fixa os plenos en xoves cando eles preferían en venres para que fose canta máis xente, mellor: http://www.cronica3.com/2015/07/o-pp-de-trabada-acusa-a-rexedora-de-mentir-con-respecto-o-seu-salario/

Contestaremos por partes porque nin todo é branco, nin todo é negro. E claro, se falamos sin argumentar o por que das cousas por ámbalas partes, quizáis ao pobo nos falte información.

No BOE do 30 de decembro de 2013 reformáronse as administracións públicas por lei. Isto, nun concello coma o de Trabada, con pouco máis de 1.000 habitantes, afecta e bastante ao soldo do alcalde, xa que non pode cobrar o que quere. E por outro lado, nese mismo BOE establécese que só un membro da corporación como máximo, pode ter adicación exclusiva:
http://www.boe.es/diario_boe/txt.php?id=BOE-A-2013-13756

Para aqueles que non vos ides conectar, poñemos aquí certos detalles:

Habitantes
Referencia
Más de 500.000
Secretario de Estado.
300.001 a 500.000
Secretario de Estado -10%.
150.001 a 300.000
Secretario de Estado -20%.
75.001 a 150.000
Secretario de Estado -25%.
50.001 a 75.000
Secretario de Estado -35%.
20.001 a 50.000
Secretario de Estado -45%.
10.001 a 20.000
Secretario de Estado -50%.
5.001 a 10.000
Secretario de Estado -55%.
1.000 a 5.000
Secretario de Estado -60%.
Según esta tabla, o soldo da nosa alcaldesa podería ser como máximo de 40.000 €. O actual, sexa ou non como di o PP, está bastante por debaixo desta cantidade.

b) En los Ayuntamientos de Municipios con población comprendida entre 1.001 y 2.000 habitantes, solo un miembro podrá prestar sus servicios en régimen de dedicación exclusiva.

Tendo en conta que según a mesma lei:
«1. Los Municipios deberán prestar, en todo caso, los servicios siguientes:
a) En todos los Municipios: alumbrado público, cementerio, recogida de residuos, limpieza viaria, abastecimiento domiciliario de agua potable, alcantarillado, acceso a los núcleos de población y pavimentación de las vías públicas.
Haberá que contar logo con que se hai que dar todos estes servizos, ata onde chegan os cartos…

E tamén é verdade que polo que se está a ver, a dedicación parcial debe aparecer só nos papeis, que polo que sabemos, Mayra está moitas veces a facer xornadas de traballo maratonianas, e non por iso se acolle á dedicación exclusiva. En palabras dela... "un alcade é alcalde 24 horas ao día".

En canto ao kilometraxe pasouse de 0.19 a 0.26. Hai que dicir que é algo habitual en calquera empresa e por iso está recollido nos convenios colectivos. O concello de Trabada agora non está no mínimo, pero está bastante lonxe do máximo: o mínimo está en 0.06 € e o máximo cerca dos 0.70€. É verdade que isto vai depender de cantos viaxes se fagan con cargo ao concello para ver se agora se aforra ou se gasta máis. E unha pregunta para os do PP, ¿a canto lle pagan o kilometraxe ao delegado de deportes de Diputación?

As dietas tamén subiron parece ser, no canto de a 40 € vanse a pagar a 50 €. Haberá que ver se coa diferencia de soldo de alcalde da para isto, repártense máis os cartos, e sombran ou faltan cartos respecto ao lexislador anterior. Deixaremos que Mayra presente contas unha vez que se empece a actuar así antes de botar o carro antes dos bois e ver se é unha despilfarradora, ou como boa economista, fixo un estudo de que supón máis e menos gastos nun concello coma o de Trabada no que polo que sabemos, deixaron as huchas baleiras...

E por outro lado, en canto aos horarios dos plenos... A ver, ¿que ten que dicir o PP que os facía entre semana e polas mañás para que non puidera ir ninguén e así non sabíamos o que se cocía?, ¿que pasa?, que agora que gobernan outr@s, si que interesa que se vaia... ¿Por que? ¿Ides cambiar a maneira de facer política agora e ser máis abertos cara o pobo?

Quizáis nos quedou un artigo un pouquiño partidista, si, non o imos negar, pero me parece que este cruce de acusacións debería estar un pouco máis asentado no que di a lei e non contado como se fosen decisións unilaterais que o único que van facer é fundir o pobo de Trabada, ¿nos vos parece que xa está bastante afundido? Quizáis chegou o momento de deixar facer e ver se tiramos un pouco cara arriba...

Por suposto, coma sempre, calquera que se sinta afectado, ten a oportunidade de contestar vía o blog, vía o noso perfil de Facebook ou vía correo electrónico. 

martes, 7 de julio de 2015

O Camiño Norte, patrimonio da Humanidade pola Unesco

Aínda que nos parece que isto non vai con nós, porque desde o Concello ata o de agora nada se loitou por promocionar o Camiño Norte por Trabada, o pasado domingo, a Unesco declarou patrimonio da Humanidade esta ruta. E non só a que vai por Ribadeo, que a historia está aí nos libros, senón a variante que pasa polo noso Concello. É bastante triste que lle chamemos variante á que foi ruta orixinal na idade media. Máis que nada porque os peregríns non traían moitos cartos, e cruzar a ría supoñía un custe da barca que ía de Castropol a Ribadeo que non podían costear. Así que se naqueles tempos nos que para comer moitas veces tiraban da caridade, non lles quedaba outra que camiñar para cruzar o Eo pola ponte que dá entrada por Abres a Trabada.
E non remata aquí a importancia do Camiño polo noso Concello porque hai documentos que certifican a existencia dun hospital de peregríns no alto da Cadeira, por onde está a capela vella.

Esta declaración ten moita máis trascendencia do que pensamos porque supón un ingreso adicional para as arcas do noso Concello, porque o obxectivo do programa é catalogar, preservar e dar a coñecer sitios de importancia cultural ou natural á humanidade. Además, baixo certas condicións, estes sitios poden obter financiación para a súa conservación do Fondo para a conservación do Patrimonio da Humanidade. E todo isto, caeunos así, porque houbo moitos alcaldes de moitos pobos polos que percorre a ruta, que impulsaron este nomeamento pensando en impulsar o turismo e así mesmo, os ingresos. E no noso caso... ¿fixo algo o anterior alcalde? No programa ía sempre a creación dun albergue pero polo de agora non o vimos. Aínda que din as malas linguas que houbo quen cobrou esa subvención e unha vez xustificado o baixo uso desta ruta, destinou a obra realizada a fins privados. Como digo, esto é cousa das malas linguas e nada sabemos oficialmente ao respecto... Se alguén ten datos e quere compartilos, xa sabe que este blog está tamén para iso, sobre todo se son datos documentados, que especular, sabémolo facer todos como é o caso deste comentario.

Agora temos nova alcaldesa e esperemos que impulse en certa maneira este percorrido promovendo tamén a creación dun albergue en condicións que dea cabida aos camiñantes, porque se a nosa ruta non é moi escollida é polo feito de que non queda outra que tirar ata Lourenzá e que polo medio hai que subir a Cadeira. Quen fixo esta ruta ben sabe que se fai duro e que un albergue en Trabada sería o idóneo para levar folgos para subir a Cadeira. E así, podemos escoller quedar en Lourenzá despois dunha etapa dura aínda que non moi longa, ou seguir ata Mondoñedo se imos con forza.

Tamén se xustifica, non por quitarlle ingresos a Ribadeo, que os ten a costa do Camiño, senón porque o seu albergue está saturado e máis aínda, nestas datas. Estes días saía na Voz de Galicia que non podían dar cabida a tódolos peregríns que por alí pasaban e que tiñan que durmir no pavillón: http://www.lavozdegalicia.es/noticia/amarina/2015/07/04/ribadeo-habilita-pabellon-acoger-dia-peregrinos/0003_201507X4C8995.htm.
Por experiencia tamén dicimos que onde estea un albergue, que se quite todo pavillón, e que moitas veces non importa cambiar a ruta, polo simple feito de ter unha cama e máis agora que se pode reservar nos albergues. Que, por certo, non son gratuitos, nin os da Xunta, que teñen un prezo de 6 euros, nin por suposto os privados, que sempre aproveitan para cobrar un pouco máis xustificando que dan mellores servizos.
Iso si como hai moitos que empezan o Camiño en Ribadeo porque asegura os kilómetros para obter a Compostela, sería tamén o momento de propoñer unha liña de bus, aínda que sexa unha vez ao día que poida pasar por Trabada para deixar aos peregríns que chegan á estación de autobuses de Ribadeo, que claro, está mellor comunicado ca nós.

Así que aquí deixamos este comentario para reflexión da nova corporativa municipal e dalgún que outro que pense que pode montar algún negocio ao redor deste nomeamento que podemos dicir que nos caeu do ceo pero que vai situar a Trabada no mapa do Camiño, esperemos que para ben do pobo.

sábado, 20 de junio de 2015

UNHA SEMANA SOCIALISTA

E si, xa fai unha semana que nos cambiou oficialmente o goberno a tódol@s trabadenses e canto que contar desde ese día.
Non saberemos o que pasou pola cabeza do antigo alcalde ao ver un salón de plenos que se quedou anano para dar cabida a tanta xente que quixo acompañar a Mayra nese día. Nunca unha toma de posesión xuntou a tanta veciñanza no noso concello. Alí estaban os cinco concelleiros do PSOE e tres dos catro electos do PP. O acto levouse a cabo sen problema algún, moi correcto e formal. Curiosa a votación a man alzada da elección da alcaldesa, pois os tres concelleiros do PP abstivéronse cunhas mans que non se sabía moi ben se tiraban cara arriba ou cara a onde….
E tomou a palabra a alcaldesa cun discurso moi ben redactado, defendido con gran firmeza e tesón, un exemplo de saber estar e facer. Onde nos falou dos seus proxectos, as súas ideas, o que lle gustaría facer deste concello e onde lle tendeu a man á oposición para traballaren por e para Trabada.
Tralo acto solemne fomos tod@s xunt@s a festexar ao Mesón Camiño Norte tal acontecemento, unha gran familia nese día unida por unha causa. Non puideron facer o mesmo os tres edís da oposición, que non estiveron acompañados en ningún momento e saíron rapidamente, como se lles dese un apretón.
E foi todo un acontecemento que nos días posteriores apareceu nos medios de comunicación mariñáns, que non sabemos se agora se dignarán a contar as verdades de Trabada ou seguirán sendo monicreques dos de sempre. Alí estaba a nosa amiga Celtia, que nun momento foi quen de poñer no Metropolitano que este blog estaba vinculado ao BNG, supoñemos que non é unha fiel seguidora nosa e por iso meteu a pata ata o fondo, pero tampouco se molestou en contrastar as verbas da boca do sr. Daniel. Pois ese mesmo día escribía cousas como:

“Hoxe vin xente chorar de alegría. Non estiven nas investiduras de Santiago, Coruña, Ferrol... senón nun concello de montaña, de pouco máis de 1.000 habitantes. Berraban "chegou a democracia", "xustiza, educación", "morreu o caciquismo", "o pobo volve ser da xente". Non era unha "marea", pero si o era. Din que levan mandando os mesmos en Trabada non xa dende a guerra, senón dende a Idade Media. O cambio conseguiuno unha rapaza de 26 anos, con amabilidade e traballo. Unha boa rapaza. Escoitando á xente, demostrando seriedade e capacidade profesional na cooperativa na que está empregada. Así conseguiu Mayra covencer a xente á que o PSOE non lograra convencer en tres décadas. Poden estar ben orgullosos dela. E oxalá reflexionen e lle estean á altura das ilusións despertadas. A historia xa nunca volverá ser o que era. Nin sequera en Trabada.”

E disto se fixo eco A voz de Galicia: La juventud al poder. Sin duda es lo que ha ocurrido en Trabada, con el vuelco en las elecciones y con el PSOE, liderado por la joven Mayra García Bermúdez, de 26 años, ganando la alcaldía a todo un veterano, José Manuel Yanes Ginzo. Otro de sus compañeros, ayer nombrado edil, Rubén García, tiene 25. Se abre una nueva etapa en Trabada y muchos vecinos acudieron ayer al salón de plenos a celebrar el relevo.
Mayra García se ha convertido, también, en la primera alcaldesa de Trabada. Ayer, en su discurso de investidura, prometió llevar a cabo una gestión «cercana e a pé de rúa», con una vocación de servicio y ya desde el primer día ofreció diálogo al PP para llegar a acuerdos, si bien el PSOE gobernará con mayoría absoluta.
La ya alcaldesa se presentó a los vecinos que abarrotaban el salón de plenos «co máis profundo agradecemento, humildade, responsabilidade e moita ilusión». Añadió que su gestión tendrá como pilares básicos «a transparencia, a eficacia e a participación veciñal».
«Quero que todos os veciños sintan que o seu Concello se preocupa por eles e que saiban que o noso único empeño é facilitarlles a vida e a axudar a facer realidade os seus proxectos e expectativas», manifestó.”
E despois vimos titulares como que “La joven alcaldesa de Trabada entra pisando fuerte”, e ese pisando forte foi por poñer a andar aos funcionari@s do concello aos que o anterior alcalde lles permitía non cumprir os seus horarios laborales. Igual se tod@s cumpriran co seu horario non serían precisas tantas persoas… En fin…
O que si que xa non ten desperdicio é a carta de despedida do sr. Ginzo na Voz de Galicia, sabemos que o papel aguanta con todo Grazas aos veciños e veciñas de Trabada. Coa súa colaboración fixeron sempre máis sinxelo o desempeño do cargo e a consecución das iniciativas e fins propostos. Intentei gobernar para todos e sempre atopei comprensión e a mellor disposición. Pido perdón ás persoas que, no lexítimo exercicio das funcións propias do cargo e sempre na procura do ben común, puideron sentir lesionados os seus lexítimos intereses. Hai que resaltar esas verbas, porque este blog de feito naceu para defender os intereses da veciñanza da parroquia de Trabada e que el se negou en todo momento a defender, ¿ou que pasa? ¿o ben común era só Daniel? Hai que rir por non chorar, e si, rir estamos a rir un pouco ao velo do outro lado da barreira. Esperemos que lle vaia moi ben alá por onde pase e que deixe respirar a Trabada e á súa veciñanza, esperemos que deixe traballar e teña a cura de humildade que tanta falta lle facía a vostede e a todos eses aos que lles dá as grazas, familia, traballadores ao seu cargo…
Para rematar, só nos queda dicir que Trabada confía en ti Mayra e alí estaremos para axudarche e facer deste noso concello un lugar mellor!


lunes, 25 de mayo de 2015

Noraboa Trabada

¡Canto cambiaron as cousas en Trabada desde que comezamos con este blog aló por setembro de 2013! 103.215 visitas din moito de cantos problemas había.

A primeira gran nova que compartimos con ledicia foi a saída de Don Dani da presidencia da Comunidade de Montes. Foi o primeiro paso e un claro sinal de que algo estaba cambiando en Trabada. Algús parece que non o souberon ver porque agora complétase a nosa ledicia coa saída de Ginzo da alcaldía do Concello. E aínda declara que non sabe o que pasou. O que pasou podémosllo explicar, que a xente cansouse de usos e abusos, de ver como algúns só miraban o seu peto, de desprezos e malas caras. ¿De cando se viu que haxa mítines "privados" aos que hai que ir con invitación? Confiaron no de sempre, en que 4 palmadiñas dadas estratexicamente eran bastante. Pois non, chegou o tempo de dicir que non. Que as eleccións non se gañan sin traballar. Cousa que tanto o PSOE coma o BNG fixeron codo a codo cos veciños estes últimos anos. Así é como se gaña á xente, non con palmadiñas. E non é cuestión de presuposto ou inversión, é cuestión de ganas e de empuxe. E iso non lles falta aos que ata o de agora, formaban parte da oposición.

Non será sin tempo dicimos moitos. Moitos se foron sin velo cos seus ollos, moitos seguiron loitando en Trabada aguantando carros e carretas, moitos saíron de Trabada porque non querían vivir no caciquismo máis retrógrado... E moitos estiveron, están e estarán aínda con eles.

Mayra ten o reto de demostrar que se poden facer as cousas doutro xeito. Seguro que o fai ben, polo de agora ten a nosa confianza e a de moita xente que a respaldou nas eleccións.

Desde aquí poida que agora este blog perdera sentido. A loita deu os seus froitos. E hai que dar oportunidade aos que entran de demostrar todo o que poden, deben e seguro que saben facer.

Sabemos que Mayra non vai consentir que na Comunidade de Montes pase o que pasaba sin intervir en favor da igualdade. Sabemos tamén que as cacicadas están feridas de morte. E queremos outra Trabada. Como a queremos, aquí seguiremos ao servizo de todo aquel que loite pola igualdade e por unha Trabada mellor. Temos a oportunidade de cambiar Trabada en por enriba de todo, queremos facelo.

Adiante Mayra, adiante Trabada!

¿Por que non vai saír ben?

jueves, 21 de mayo de 2015

Chegou o noso momento

Si, como o oídes, chegou o noso momento. Hai eleccións municipais e temos o dereito e o deber de elixir a quen nos vai representar os vindeiros 4 anos. E temos 2 opcións:

1. Seguir co de sempre, co coñecido, coa maneira de facer de xa fai máis de 30 anos... Isto é co que vivimos hoxe en día, con xente que só se preocupa polos 4 amiguiños que ten e que lle aseguran o posto de traballo cos seus votos ano tras ano. Non lles preocupa Trabada, nos lles preocupa a súa xente, só se preocupan por eles mesmos. Moitos cren, ou queren crer que non é así e viven das apariencias, das palmadiñas na espalda e nin se decatan que tras desa deferencia hai só interés. Pobriños inocentes se non fora porque as consecuencias pagámolas todos...

2. Dar un xiro ás nosas vidas, votar por xente nova, con estudos, universitarios en moitos casos que viviron e saíron de Trabada, que viron mundo e teñen gañas de facer as cousas doutro xeito, que saben que temos que medrar todos para avanzar. Hai forza, hai ganas, hai entrega, hai futuro,... hai moitas cousas positivas en todos e cada un dos membros do PSOE e do BNG que se presentan.

Collan vostedes a propaganda electoral do PP, miren a foto e díganme se a primeira frase de "afronto as vindeiras eleccións do 24 de maio tremendamente ilusionado e con moitas ganas" se ve reflexada, porque a verdade, cara de ilusión non lle vexo. Cúlpase á crise de non levar a cabo obras e proxectos, pero a crise non lle afectou ao soldo do señor alcalde, que non minguou para dedicar estes fondos a outras cousas. E ben, se vostedes xa collen o desplegable das melloras durante a nosa alcaldía é para botar a rir:

-construcción da residencia da terceira idade, é que ceder os terreos xa é moito, aínda que os cartos para sacala adiante fosen da deputación na que o PP non ten goberno
-acondicionan  o entorno do centro sociocultural de Valboa pero para chegar a el case hai que ir en tractor, porque é a parroquia coas peores carreteras
-o punto limpo que está aberto un día á semana e que non lle pase nada á persoa responsable de estar alí, que chegan vostedes e atópano pechado e nin sequera un cartel informativo de por que está pechado nin un teléfono de contacto
-novos alumeados públicos e renovación doutros, e xente que para entrar pola porta da súa casa vendo, ten que pagala do seu peto...

E así todo o que aparece neste papel, que como ben saben, o papel pode con todo, mentiras e verdades...

Neste punto, ¿que podemos perder por probar? Chegou o momento do cambio, chegou o momento de elixir, chegou o momento de mirar cara o futuro e de preguntar, ¿e por que non? Se levamos máis de 30 anos deste xeito, ¿que son 4 anos para probar outra cousa? Os do medo dirán, "¿e se sae mal?, que son moi novos, non teñen moita experiencia...". E dicimos nós, "¿e se sae ben?". As ganas, a forza e o empuxe moitas veces fan máis ca experiencia, o movemento demóstrase andando, deixémoslles andar e vexamos o que pasa.

VOTADE AO PSOE, AO BNG, a calquera dos dous.

Nós so vos pedimos que NON VOTEDES AO DE SEMPRE, que xa os coñecemos, xa sabemos quen son e como fan as cousas.

¿E se sae ben?

jueves, 14 de mayo de 2015

¿QUE ESTÁ PASANDO EN TRABADA?

Boas a tod@s @s internautas
Fai tempo que se creou este blog co seguinte título "está pasando en Trabada" e que tiña unha gran fin: os nosos montes comunais, que é o que pasou, pasa e pasará con eles? E si, preocúpannos os montes comunais, pero tamén o resto de montes do concello, e tamén o estado xeral de todo aquelo que nos pode influír na nosa calidade de vida. Así é que lles imos amosar unha serie de cousas que nos doe saber como están, pero aínda nos doe mais ter que velas como están e para que vexan que non lles mentimos, van acompañadas de reportaxe fotográfica.

Dóenos saber do estado de abandono das pistas de concentración, e aínda nos doe mais ter que ver como están:



Dóenos saber que nas anteriores eleccións o goberno actual (por se vostedes non saben cal é, e ese que viste de azul e presume de gaivotas, que saen voando como as súas promesas) prometeu a concentración de montes na Vilapena, e esa promesa esfumouse, debe ser que se extinguiron os montes dese lugar:




Dóenos saber que noutros montes do noso concello, concretamente en Valboa, se fixo un circuito de motocross no que se investiron 120.000 € na primeira fase, fai cinco anos e a día de hoxe, a segunda fase está desaparecida, co cal o circuíto non serve de nada.... euriños tirados... Díganme vostedes que vendo a foto, non sería ter mellor aí unha plantación de castiñeiros.




Dóenos saber que a gran maioría das estradas presentan unhas fochancas que como ben dixo un rapaz do concello fai anos, libras dunha e colles cinco... Vexan vostede algún exemplo como a estrada da Cadeira a Fórnea, estrada de Valboa (esta parroquia por certo é a que peor está de todo o concello).... e poderíamos fotografar a metade do concello.





Dóenos saber que a consecuencia das riadas, unha ponte de Xuga estea a piques de caer por non reconstruíla:




Dóenos saber que se prometeron unhas vivendas sociais, que igual está ben que non se construísen dado o número de fogares baleiros que hai no concello, pero claro, se non se iniciasen unhas rúas nas que se ían ubicar e vísemos que ese diñeiro se invertía en axudas para rehabilitar vivendas baleiras, así é que temos esta cousa que non sabemos como denominar no medio do casco urbano:




Dóenos saber o estado de abandono da que nalgún tempo foi escola rural, como a da Vilapercide, que tampouco é cuestión de facer investimentos millonarios como na Penela para que non se lle dea ningún tipo de uso, pero si que teñan unha imaxe un tanto decente e non isto:


Dóenos saber que se queres informarte sobre Trabada, a maioría dos contidos da páxina do concello están sen actualizar dende 2006. Sorprende ver iso de "Trabada no futuro", xa chegaríamos, ¿ou? E hai que ver, 9 anos despois, cousiñas sin facer aínda:



E poderíamos seguir enumerando un milleiro de cousas que nos doe saber e nos doe ver, pero tampouco queremos ser cansinos.

O que si non podemos calar é que nos doe saber que os presuntos dous alcaldes que temos, a presunta figura decorativa e o presunto todopoderoso terrateniente, o único que fan é encher os seus petos a costa d@s traballadores/as do pobo, que se rin de tod@s @s que lle ides pedir un favor que nunca deixaredes de pagar e que presuntamente pensan que o 95% da veciñanza de Trabada somos escoria.

Queren vostedes seguir nunha Trabada caciquil ou darlle a oportunidade a futuras alcaldesas? Doeríanos saber que se cumpre o primeiro e non ver a ningunha das candidatas da oposición ao servizo do pobo, porque ao contrario do que a gran maioría da población pensa, un alcalde/unha alcaldesa está para servir ao pobo, non para que o pobo o/a sirva a el/ela!!


jueves, 7 de mayo de 2015

VAI DE PRESENTACIÓNS... E, QUEN SE PRESENTOU? ANTE QUEN?

En Trabada, xa se presentaron as tres candidaturas ás eleccións municipais do 24 de maio. 

Unhas son abertas... E outras son pechadas... aínda que podemos singularizar e dicir que unha é pechada
Unhas con apoios... E outras, non tanto… e volvemos a poder singularizar e dicir que unha non ten tantos.

Sabemos que as comparacións son odiosas, pero para elixir a mellor, é necesario comparar.

A primeira presentación, foi o 19 de abril: a da candidata socialista. Unha presentación moi avalada, posto que acudiu o secretario xeral do PSdG: José Ramón Gómez Besteiro, a vicepresidenta da Deputación: Lara Méndez, e o secretario provincial: Juan Carlos González Santin, así como a deputada no Congreso: Margarita Pérez-Herráiz, o deputado autonómico: José Ramón Val Alonso e outros deputados provinciais.
Dita candidata socialista é Mayra, diplomada en Ciencias Empresariais, a cal presentou unha candidatura de cinco homes e cinco mulleres, dos cales cinco teñen titulación universitaria. Tamén presentou o seu programa, que se centrará en tres piares fundamentais: combater o despoboamento, a desigualdade e a falta de emprego.
Ao acto acudiron máis de duascentas persoas. Foi un acto totalmente aberto e transparente.
Mayra, ademais de ser concelleira nos últimos catro anos é a secretaria xeral da agrupación socialista de Trabada e forma parte da executiva provincial do PSOE, sendo a coordinadora comarcal do partido na Mariña.

A segunda presentación, foi a dos populares, o 1 de maio. Desta presentación pouco podemos dicir, porque non estivemos invitad@s. Segundo os medios, estivo Balseiro.
Foi unha presentación realizada ao seu estilo, con gran secretismo e palpable ocultación, reuníronse o actual alcalde e a súa candidatura, acompañados duns cantos seguidores para presentar a candidatura,  ou mellor dito, presentarse entre eles, porque os cidadáns de Trabada non puideron nin tiveron ocasión de asistir a tal evento.
Tal cal, como en épocas pasadas; cando para gobernar nos pobos reuníanse uns poucos en secreto e en silencio. ¡Canto bota en falta esa época esta “tropa”,e canto darían porque volvera!, impedindo así que outra forma  de gobernar fora exposta aos cidadáns.
Segundo os medios de comunicación, non faltaron críticas á Deputación, queixándose ata de que non prestou apoio en servizos sociais, cando aporta un millón dous centos mil euros para a construción da residencia e centro de día en Trabada. A desfachatez de Ginzo chega a límites insospeitados. Minte máis que fala.
Esta candidatura está formado por nove homes e tres mulleres, dos cales dous teñen titulación universitaria, porque a pesar de non facer descrición dos candidatos, neste pobo coñecémonos todos, e dende o un de maio, tamén se coñecen entre eles, motivo polo que están encantadísimos! Outra mostra máis de que a política de Ginzo é a de ocultar.
Chámanos a atención que non se acorde da Xunta e do Goberno Central, gobernados polo PP. ¿Que invirtiron en Trabada?

A terceira e última presentación foi a nacionalista, o 3 de maio.
Repite a candidata de fai catro anos, María José, licenciada en dereito. Estivo avalada polo alcalde de Ribadeo: Fernando Suárez, o vicepresidente da Deputación: Antonio Veiga e a portavoz comarcal: Ana Hermida.
A súa candidatura está formada por sete homes e catro mulleres, dos cales catro teñen titulación universitaria.
Ao acto acudiron unhas sesenta persoas. Tamén foi un acto aberto e transparente.
O programa de María José centrarase en garantir os servizos públicos, apostar polos sectores económicos do noso concello, especialmente o primario e o turismo, e tamén por achegar a cultura desde o concello á nosa veciñanza.

Dende cando se viu que un partido faga unha presentación de candidatura a portas cerradas? Por que non fai público o seu programa electoral e o achega á veciñanza? Que nos queren ocultar?  Que pasa, que a veciñanza trabadense non somos toda igual? Para min, isto de que á presentación da candidatura dun partido só poidan ir uns 50 elixidos é DISCRIMINACIÓN, e con letras  ben maiúsculas. 

Non sei se vostedes queren ser discriminados no seu concello natal, eu non, así que:

Comparade e reflexionade, estades a tempo, se se quere cambio: VOTEMOS CON RESPONSABILIDADE. O FUTURO DE TRABADA ESTÁ NAS NOSAS MANS!